بخصوص رأيي عن الجلسات بداية الموضوع كانت لما شفت بوست بحساب اكون يتكلم عن المشاعر وتأثيرها على الجسد، هنا حسيت انه لازم احجز جلسة وللحين احمد الله اللي هيأ لي هذي الفرصة❤ كنت في عز قلقي ونظرتي السوداوية، ومشاعر تأكلني كالتأنيب والخزي والخوف والقلق! واقوى اعتراف اعترفته لنفسي اني احتاج مساعدة، ومافيه مشكلة اني اطلبها والحمدلله ماندمت ابدا أُنس انتي فعلًا أُنس🤍، اعطيتيني مساحة اتكلم فيها واعبّر وابدا ماحسيت بالخجل لانك كنتي تحاولين تسحبين هذي المشاعر بسرعة رهيبة وتخليني انتبه عليها، حرفيًا كنتي تفهمين مشاعري قبل لا اتكلم🤣 بخصوص الجلسات كانت سلسة وسهلة ابدا ماحسيت بثقل او التزام متعب كل شي قدمتيه كان طريق لحياة صحية وركزتي على جوانب كثيرة زي جودة الاكل والرياضة وحتى العلاقات ، غير المتابعة المستمرة والتزامك بالوقت مرة ممتنة🙏🏻 واقدر اقول انا موووووووو انا بعد الجلستين هذي، عرفت نفسي اكثر وعرفت اتعامل مع المشاعر السلبية، خف التأنيب والقلق والعار بصورة كبيرة صرت اركز على جوانب ماكنت اركز عليها قبل زي الثقة والاستمتاع باللحظة وترتيب الاهداف والاكتفاء والامتنان للنعم اللي عندي. واهم نقطة ماكنتي تحسسيني اني لوحدي بهذي المشاعر، وانه مقدور عليها واني اقوى! والله العظيم مرة شكرا أُنس🤍.

من كتر ما انتي عسسل حقيقي واخذت راحتي معاكي يعني بمشاعر العار الكبيييره الي عندي ماقدر ابدا اخذ راحتي بس معاكي مره اخذ راحتيي واتكلم ومتفهمممه عمرك ماحسستيني انو الشي تافهه بالعكس وكل مره اخرج من محادثتك القاني خرجت بوعي جديد ياحظ الناس من حولك والي ياخدو معاكي جلسات 🥹🤍🤍

بعد الجلسه: سرت استشعر قدره ربنا ومشاعر الامان والاخذ بالاسباب قبل الجلسه الجهه الدينيه عندي جداً معدومه للامانه لكن دحين سرت اقدر افوض قلقي لله سبحانه وتعالى غير نعمه اني كل يوم استشعر نعمه الاحتمالات الجديده في ابسط الاشياء حتى لو كلمه او فعل او تمرين

قبل لا اخذ الجلسه كنت تقريباً يائسه وحتى الجلسه قلت ماحتوقع كثير منها انا لسا في نص مرحله العلاج قريب من الجزء الاخير ولكن اكثثثر فرق استشعرتو هوا حده المشاعر مشاعري اذا كانت زمان مليون من ميه عار دحين اقدر اقول انها ١٠٠ من مليون ماراحت مره لكن خفت سرت اقدر اتعامل معاها واقدر افكر وكانو شخص يمسك عقلي ويوجهو تصرفاتي مختلفه وطريقه نظرتي مختلفه حقيقي افكر اكمل كل الجلسات وما اكتفي بهذا النص بسسس عقلي مغبش مليون في الميه ودي ميه من مليون في فرق وهذا انا اخذت جزء بسيط كيف بجزء اكبر

انا كنت ماعرف شي اسمو امتنان ولا احس فيه دحين اقدر افهم ايش يعني امتنان ( حسياً)

شكرًا شكرًا شكرًا كل شي سويتيه وقلتيه وشاركتيني ياه يعني لي الكثير مشاعري رائعة من بعد الجلسة واكثر شي ادهشني اني ادركت افکار جديدة عن نفسي اثناء الجلسة والاسئلة خلتني افتح افاق جديدة جوّاي وخليتني المس المشكلة والحل في نفس الوقت كمان كنت افكر دموعي جفت واني صرت ما ابكي بس اتفاجأت بالدموع اللي نزلت كأنها كانت محبوسة وماني عارفة اطلعها ونمت نومة مريحة وعميقة وصحيت منتعشة

فك الشعور الحمدلله بعد جلستنا اول بديت احس وصرت اشوف أشياء جمال في تفاصيل صغيرة زي رايحة الدوام اشوف جمال في السماء ولا الشجر ولا الهواء لما يكون ماهو حار

واااو ياربي لك الحمد انتي روح مشافية وامتناني عظيم وروحي كانت محتاجة روحك

صرت اركز على جوانب ماكنت اركز عليها قبل زي الثقة والاستمتاع باللحظة وترتيب الاهداف والاكتفاء والامتنان للنعم اللي عندي واهم نقطة ماكنتي تحسسيني اني لوحدي بهذي المشاعر، وانه مقدور عليها واني اقوى! والله العظيم مرة شكرا أنس والله كنتي نقطة فارقة في حياتي، مره شكرا والله يجعل كل خير قدمتيه . لك اضعااااف يرجع